بيزنس هيرو
مجموعه بتساعد الطفل يكون رجل أعمال و يمتلك مشروع خاص بيه في سن صغير
وعشان نخلي الطفل رجل اعمال بيعتمد على محورين
المحور الأول : هو تدريب الطفل على المهارات الأساسية في السوق من مكسب و خساره و بيع و شرا
المحور التاني : بيعتمد على الام و دورها مع الطفل لانها اكتر خبره منه و ازاي ممكن تحول فكرة ابنها لمشروع بالفعل
المجموعه عباره عن
الجزء الأول لعبة للأطفال
مكوناتها:
لوحة اللعب : و هي عبارة عن مول فيه عدد من المحلات في مجالات مختلفه وده بيكون مسار الطفل اللي هيمشي فيه و تبدأ فيه المعاملات التجارية زي البيع و الشرا و طبعاً ده بالأضافه لتفاصيل ممتعه زي قاعه الاجتماعات و الاحتفالات
كروت العملات: عبارة عن العملات اللي بيقدر بيها الطفل يقوم بالمعاملات التجارية و متقسمه ل( 5ج ، 10ج ، 20ج ،50ج ، 100ج ،200ج ) و بنفس خامة العملات الحقيقة تقريبا
كروت المحفزات : عبارة عن كروت بتزيد من أرباح اللاعب و تدعم قوته في السوق ودي بيحصل عليها لما يقف في خانه (+)
-كروت المصاعب: عبارة عن مجموعة من العقبات و المشاكل اللي بتواجه اللاعب في السوق و بتخلي اللاعب يفكر كويس جداً عشان يتغلب عليها و يزود نجاحه ودي بيحصل عليها لما يقف في خانه (-)
-كروت الخامات: و تستخدم في عملية البيع و الشراء بالإضافة لتدريب الطفل على التفكير الإبداعي في استغلال الخامات حوله للحصول على افكار منتجات إبداعية
-كروت المنتج: وهى أحد كروت اللعب اللي بتزود من متعته و إثارته وهي كروت مكتوب عليها منتج اللي بيقدر اللاعب يستخدمها في المستوي التالت للعبه
-كروت الأرقام: وهي الكروت اللي بتحتوي على أرقام مختلفة ودي بيسحبها الطفل عشان يعرف عدد الخانات اللي هيتحركها
الجزء التاني كتاب الأمهات
و ده بيضم خطوات عملية من الألف إلى الياء عشان تتمكني من تحويل فكرة طفلك الى مشروع واقعي تربحي منه و يكون بأعلى كفاءة ممكنة
*بتتكون اللعبه من ٣ مستويات :
و ف كل مستوي فيهم الطفل بيتعلم و ينمي مهاره مختلفه زي اتخاذ قرارات في البيع و الشراء و كمان يتعلم ازاي يخطط علي المدي البعيد
– تناسب من سن 6 ل١٥ سنه
